本文重點
周秀娜師妹DaDa（盧頌之）拍劇首日玩失蹤，連累劇組演員及工作人員呆等，要即時修改劇本遷就，監製一怒之下飛起她，由楊愛瑾（Miki）臨危受命頂替！
周柏豪、官恩娜、姜大偉與唐寧等主演的電台劇集《有房出租》上周開鏡，新加入的o靚模DaDa亦有出席。不過，本月13日開工首日，DaDa突然玩失蹤，連助手及經理人也未能聯絡上她，連累演員及工作人員在外景場地呆等，導演只好不斷跳拍，而監製則嬲爆，即時下令易角，改由Miki頂上。
記者就失場一事向DaDa求證，聲沙沙的她支吾以對說：「我唔舒服，你打去公司問。（點解玩失蹤？）我唔方便講，你問公司。」說罷即匆匆掛線。其經理人Roy則解釋：「嗰日佢胃痛入院。（話你都搵佢唔到？）後來搵到。」不過，他答不出DaDa入了哪間醫院及有否留醫，只表示已向電台致歉，相信電台不會將DaDa列入黑名單。
周柏豪晒「新歡」
有份參演的姜大偉證實易角一事，但不清楚詳情：「好似係新人。（DaDa失場？）唔知，呢幾日開工，我都冇見過佢。」至於監製張少馨則承認DaDa失場，她表示當日的通告是早上8時，但DaDa一直沒有出現，其經理人指她因看醫生而遲到，但最終未見蹤影，連電話亦沒有：「佢經理人夜晚打嚟道歉。（留下唔好印象？）專業演員唔可能係咁。」她承認即時易角：「其實最初都係搵Miki，但佢個期唔得，發生呢件事後再同佢度期，點知佢就到。（DaDa經理人推薦旗下其他o靚模？）唔係人哋畀邊個，我就要邊個。」
至於本與DaDa演情侶的柏豪，在微博上載與Miki的合照，並搞笑地說：「唐寧效應，我現在宣布我們拍拖了，這三個月她將會是我女朋友 。」