有指Freeze成員陳樂榣（Alley）兩年前向甄穎珊借下5位數字款項，最近無力還錢致反目！Alley昨日在旺角排舞後到快餐店醫肚，並三度哭訴：「我16歲時爸爸負資產，之後佢走咗佬，我出嚟做嘢還債。我想向公司借錢，甄穎珊主動話銀行有幾萬蚊，可以借畀我，我哋協議每月還款額同利息，今個月遲咗十日還，因為要幫喺台灣讀書嘅細佬交學費，點知有咁嘅報道。如果佢要救急，我會盡快諗方法還畀佢！（傳你有錢買衫？）我冇錢買衫，係有老闆娘贊助我，真係畀人屈，好唔開心！（同甄穎珊係朋友？）只係同事囉！（日久見人心？）我唔想搞到咁。（當年冇叫富貴男友潘熾恒幫忙？）佢冇錢o架！」