祖兒昨日以金色荷葉邊的長褲上陣，為11月19日至24日的《Nokia Joey Yung Concert Number 6容祖兒演唱會》假W酒店舉行記者會，她在五位黑超飛機師的帶領下進場，分別代表她過往五個不同的演唱會，計算今次演唱會在內，Joey成為首位十年內舉行六次演唱會的女歌手，再次打破紀錄，非常厲害！

容祖兒宣布11月19日舉行個唱，紀念歷史一刻。

Joey由黑超飛機師帶領下進場，又大放煙花，十分大陣仗。

Joey曾於2000年11月19日首次假紅館舉行《容祖兒美麗在望慈善演唱會》，事隔十年，她將於同一日再踏紅館，相當有紀念價值，為回饋歌迷，歌迷憑當年的演唱會門票票尾，即有機會跟她共進晚餐，她說：「其實十年來不間斷嘅支持，真係好唔容易、好唔簡單，呢段感情係值得紀念！如果大家仲有Keep住張飛尾的話，我會揀六位同佢哋一齊共進晚餐，答謝大家。」

大個女乜都試

為隆重其事，Joey透露即將飛往巴黎為演唱會置裝，問到性感程度，她說：「都成三十歲人，開第六個演唱會，勁歌熱舞之餘，會將個性感底線按低少少。（你已經好低？）可能意識上面大膽啲，以前細個好多嘢都唔敢做，依家大個女咩都可以試！」