名模Rosemary在美國涉嫌藏毒被捕，缺席昨晚善學慈善基金舉行的年度慈善晚宴時裝騷，其時裝設計師好友何國鉦揚言不介意：「之前都有聯絡過佢，佢都知錯同好內疚！佢話過今個星期尾先離開香港，我都有勸佢重組吓自己！」他直言事件對Rosemary是個重大打擊，但自己會公私分明，繼續邀她合作：「佢本質唔壞，但成日受唔好嘅朋友影響，父母離異都有啲影響！我覺得對方好傻，佢如果得18、22歲都可以原諒，就快30歲就要自己負責！」