連日來不少紅星齊集紐約時裝周朝聖，日本電影《出租天使》女星佐佐木希到紐約工作，亦於當地時間前日順道出席Marc Jacobs時裝騷，並獲安排坐頭排，但外國傳媒不認識她，直至時裝騷常客、14歲的Blogger Tavi Gevison化身Fans主動跟佐佐木希合照，外國傳媒立即拍攝她。佐佐木希透露原本打算與設計師Marc Jacobs做訪問，但對方太忙，未能成事。而首次到紐約睇騷的她透過翻譯說：「今次逗留5日4夜，應該有時間Shopping同食嘢。（嚟緊有咩計劃？）都係拍電視劇。（識唔識Angelababy？）曾經喺日本行騷見過，佢好靚女。」她又偷閒於街頭及紐約機場自拍，並放上Blog與Fans分享。
另外，碧咸與太太Victoria分道揚鑣，Victoria獨自出席紐約時裝周為個人品牌撐場時，不忘上載愛犬的黑白照上網，而碧咸則在洛杉磯出席真人騷《Jersey Shore》男星Pauly D的派對，原來碧咸夫婦是Pauly D的超級Fans，到場後碧咸即拉着對方合照。至於英國女星Kelly Osbourne與丹妮絲李察士則連捧Tracy Reese和Betsey Johnson兩場時裝騷，Kelly更獲設計師Betsey Johnson贈新裙，減肥成功的她即穿上出席派對，而丹妮絲睇騷期間，與名模娜奧美金寶搭晒膊頭。