王菀之（Ivana）昨晚出席A.T by ATSURO TAYAMA 2010秋冬時裝表演，由謝婷婷擔任模特兒，以打頭陣及壓軸姿態行騷，其他嘉賓包括谷祖琳及「舊八模」成員陳嘉寶和蔡穎恩等。

婷婷演繹品牌的秋冬時裝，甚具型格。

婷婷率領模特兒打頭陣及壓軸行騷。

Ivana以黑白色衫到場，對於在微博中自稱與電台DJ余迪偉結婚，她笑笑口說：「因為大家買埋同一件衫，件衫係我哋一齊去巴黎時買嘅。我鍾意男仔衫，佢鍾女仔衫，我喜歡中性打扮同黑白色。（擔心畀人誤會你性取向？）從來唔擔心，好多女仔都中性打扮啦！」問到余迪偉是否知道你在微博中宣布二人結婚時，Ivana透露對方知道，但沒有反對，即代表默認！至於緋聞男友張敬軒怎算？她搞笑地說：「多一個唔多，一妻多夫囉！多幾個男仔多幾個幫手，我依家都搵緊助手，好助手難求。」

Quintus改名謝振南

至於謝婷婷透露細姪仔Quintus的中文名字叫謝振南，問到是否家人的決定，她笑說：「好明顯，因為我唔識睇中文。但屋企人除咗我同姪仔講廣東話之外，其他人都係講英文。」她笑言大姪仔Lucas講中文發音不正，似足外國人。對此，身在新疆的謝賢則說：「好似係啩！（點解揀咗個南字？）呢啲問番佢老竇（霆鋒）先知喎！」鑑於Quintus的出世紙遭雜誌拍下曝光，在內地拍電視劇的霆鋒透過助手表示不欲多談，但希望政府正視事件，暗示覺得自己的私隱遭侵犯！