昨午林峯戴着頸箍現身機場，他表示要到上海為新片《白蛇傳》試造型：「仲要同程小東商量吓個角色。（驚再傷到頸？）套戲應該都有啲郁動，最擔心係吊威吔，但未知Rundown呀！（你咁攰？）仲同佘詩曼拍緊劇吖嘛！尋晚開始拍廠景，跟住直接嚟，都冇乜點瞓。加上今朝又有少少整親條頸，好痛！但已經係10年舊患o架啦！我會盡量小心。」
而吳家麗面色蒼白地現身機場，她說：「我去多倫多參加影展，由香港同法國共同投資嘅《瘋狂午夜》入咗全世界最驚慄嘅10部電影之一，好開心可以以華人嘅身份去參展。（有信心？）未知呀！仲未睇過其他電影。（帶戰衣？）有呀！唔密實o架！但我感冒變咗病戰士，之後又要趕返嚟香港拍戲啦！」
