名模Rosemary近日涉嫌藏毒，令模界濫藥問題成為熱話，Gaile昨日出席Samsung相機活動時，對於被暗示是毒模，她略帶嬌嗲說：「咁衰呀！好多嘢要講證據！每星期都有我嘅負面新聞，又話我大肚，又話我同Leon（黎明）鬧交！（唔開心？）唔會，對我冇影響！（影響你同Leon感情？）更加唔會！」不過，她坦言為大肚傳聞感到煩厭，更開玩笑說再問大肚就「掹晒」自己的頭髮發洩：「有啲報道Over咗，好超現實！」

莊思敏自封「毒販剋星」

提到Rosemary涉毒案，Gaile感到相當難過：「我唔會主動打畀佢，費事造成騷擾！」她表示不知本港模界可有人吸毒，但她未見過亦未受過引誘：「呢行好多人以唔同方法減壓，我就選擇做瑜伽、浸浴同飲靚紅酒減壓，婚後已經好少去蒲！」

另一邊廂，林莉與莊思敏昨晚出席雞尾酒會，示範時裝設計師Ranee_k的服裝。對於被指大爆名模C及K是毒模，林莉否認：「我冇乜好講！（雜誌話你畀人引誘吸毒？）冇，我亦冇見過模特兒吸毒！」她更否認翻撻舊愛，重申二人從未拍拖。而莊思敏則自封「毒販剋星」，她坦言非常抗拒毒品，若有人在夜場兜售毒品，她會主動揭發！而昨日所見，她的上圍沒有初做手術般堅硬，回復自然線條。

至於周秀娜（Chrissie）及Jessica C.昨晚被問到「毒模C」傳聞時，JC坦言曾在其他國家見過模特兒吸毒，至於可曾受過誘惑？她說：「我識分是非，唔需要呢啲嘢！」而Chrissie則說：「又關我事！我唔會食，幫唔到自己（指減壓）！」