今年夏天的寫真女王之一「o靚模女神」Angelababy，日前跟隨師姐熊黛林大軍，浩浩蕩蕩赴澳洲拍攝寫真年曆，吸引當地報章採訪，認真威水。而人氣混血名模Jessica C.近日穿上性感內衣為Wacoal拍攝代言廣告，除了「警鐘胸」成焦點，還穿上Leggings騷長腿。對於推出寫真年曆，JC露口風不排除此可能：「其實依家都未有真正定案，我唔係一個跟大潮流做嘢嘅人，最重要係啱唔啱自己，但要做就做特別啲，好似今年出寫真集，都係為咗還自己心願而拍。」

JC暑假推出全裸寫真集叫人驚喜萬分，她不排除於年曆中會玩「特別嘢」。

JC再擔任內衣代言人，大晒身材。

至於百果園咪神陳靜（DaDa）亦滿肚密圈，據悉她將於下月出發到台灣影年曆，以52個參考澤尻英龍華及綾瀨遙的造型拍攝，實行每星期一款造型，性感更是冇底線：「之前本寫真同另外兩個女仔一齊影，所以保守啲，年曆單獨挑戰性感極限，但會緊守三點不露，因為媽咪唔畀。」經理人施念慈則說：「DaDa將表現既純情又野性嘅感覺，早前我去台灣買咗十幾本寫真畀佢練擺甫士。（會唔會出3D？）咁又唔會，年曆要實用！」

新八模谷胸戰周秀娜

另一方面，在寫真戰中推出3D寫真搶盡風頭的周秀娜，則與師妹新八模分別推出各式造型年曆再吸金。據悉密謀打入捽碟DJ界的新八模成員，將分批以型格DJ造型拍寫真年曆，其中Jeana、Hidy和Vibeke勤學打碟，還爭取到夜店打碟機會。至於Betrys和Rika亦揚言要谷胸力戰師姐：「大師姐周秀娜都出年曆，我哋唔輸蝕要谷胸影相，之前我哋幫內衣品牌blablabra行騷時，向在場專業人士偷師，決定狂掃Push-up Bra，唔使用缽仔糕咁麻煩，我哋打算喺年曆大騷喱士神秘性感。」不過，潮媽o靚模Mia卻唱反調：「我鍾意可愛型內衣，一定要揀粉紅色花邊喱士。」

新八模事先張揚會谷胸拍寫真年曆，賺多一筆。

Mia（左）與Jeana擺甫士愈見默契。

此外，周秀娜早前與徐子珊為《名人廚房》到街巿拍攝時表示曾炮製牛扒及鵝肝給男友吃，但得到的評語卻是Dry爆。