傅穎（Theresa）加盟星皓後即獲揼本力谷，既出碟又拍戲，可是最終因太操勞捱出病，日前她在微博中透露聲帶出現問題，語氣極沮喪，她接受電話訪問時承認問題嚴重：「因為拍戲吸咗防蚊噴霧，令聲帶敏感，唱唔到歌，連講嘢都控制唔到高低音！我一直食藥頂住，但醫生話愈來愈爛，兩條聲帶拍唔埋，要休息兩個月咩都唔好做！」正處於歌曲宣傳期的她大受打擊，加上尚有一首歌未錄，嚴重影響原定下月出碟的計劃，而為免再被批評咪嘴，Theresa寧願「有錢唔賺」，推掉不少表演，她說：「醫生叫我上治療堂，但根本冇時間，最唔開心係唔知幾時好番！」

雖然打沙排要暴曬，傅穎仍可以應付。

周秀娜唔使力谷已是波濤「胸」湧，無懼傅穎狙擊。

事先張揚「更爆」登場

無奈暫別樂壇，Theresa只好谷胸拍戲搶灘，將冰封多時的咪咪大解放！日前她拍攝《熱浪球愛戰》，托球時竟夾出4吋事業線，效果震撼！除了突然「升胸」，她更以搞笑搶鏡，她說：「我個角色好Cute，有好多浮誇表情！（露肉撼周秀娜？）各有各搶鏡啦！其實今次性感程度對我嚟講已經好勁，我之後仲有一套衫更爆！」提到辛苦之處，她說：「要喺沙灘打排球同暴曬，好攰，但總算Handle到，最辛苦係失聲，講嘢大聲啲都唔得！之後仲要為套戲配番音。」Theresa搏晒命，導演Tony即撐其可愛演出很搶眼。