本文重點
容祖兒連夜失眠「冇覺好瞓」，卻堅持不靠安眠藥，因怕愈食愈蠢，只靠媽咪攝太歲求庇佑。
樂壇天后祖兒前晚在尖沙咀舉行見面會，宣傳剛推出的EP《空港》，還演唱新碟歌曲。雖然她抱恙不時「咳」，但幸好表現未受影響。事後，祖兒坦言為今次演唱服開聲藥，笑言今年特別多病痛，所以前幾天叫母親為她去攝太歲！記者取笑財多身子弱，但她表示攝太歲全因11月舉行演唱會，太緊張而導致失眠！
祖兒指上一次開十場個唱，便連續十日冇覺好瞓：「因為每晚On Show心情都好Hyper，返到屋企根本Cool Down唔到，瞓唔到覺。」問到可有試過服安眠藥？她說：「有食過，但食完暈陀陀，就算瞓到睡眠質素都唔高。我又怕食得多愈食愈蠢，我已經好蠢啦！」她希望靠多做運動能改善睡眠質素。
不評論無綫壟斷
另外，對於謝安琪贊同亞視控告無綫壟斷歌手亮相其他電視台，祖兒即力撐無綫：「我哋係有合約，係唔可以同第二間電視台合作，要尊重合約精神！咁簽約時候你有權選擇唔簽，冇人逼你。」問到可有認為無綫壟斷？祖兒指不方便去討論：「我哋合作好耐，唔覺得有大問題。」