恭喜恭喜！黃百鳴將榮升外父，其女黃漪鈞將於後日（16日）出閣！黃百鳴表示女兒將出嫁，令他心情緊張又興奮：「婚禮當日，我哋會筵開50席，同親友分享喜悅！」
新娘子黃漪鈞早前跟未婚夫林詩澔往杜拜影結婚相，相當難忘：「我哋兩個一直都希望去杜拜旅行，今次順便影埋婚紗相，都幾得意！因為當地係阿拉伯國家，信奉回教，所以有好多禮儀，例如唔准未婚男女公開拖手，我哋趁冇人先敢拖手同擁抱影相咋！」由於當地氣溫高達50度，黃漪鈞說：「我啲婚紗同晚裝算薄，不過老公仔着晒成套禮服就好辛苦，唔使埋位就即刻除衫！」她表示能在世界最大的水族館影相，又可以趁機去沙漠騎駱駝，令她畢生難忘！
