無綫小花何傲兒與梁政珏昨日出席公開活動，齊齊以低胸裝上陣，當中傲兒以低V裝展現美好身材，吸引不少人圍觀及拍照！不過傲兒表示打扮未算性感，預告台慶有可能更有「驚喜」：「靚咪得囉！我都係尊重場合，台慶可能再低啲（衣領）！（驚唔驚太性感，會好似呂慧儀咁惹批評？）佢當晚性感得嚟都好靚吖！」梁政珏則笑言想請教呂慧儀防走光招數。
另外，有傳陳志雲昨日返無綫復工，梁政珏表示沒有聽聞：「公司冇同我哋講過！呢件事之後，我冇特別聯絡佢，其實我從來都冇佢聯絡方法！不過陳生係TVB有代表性嘅人物，返嚟係好事！」而何傲兒亦坦言，若消息屬實會很開心：「之前想問候佢，不過冇聯絡方法囉！」
