陳志雲涉貪案至今一直停職助查，有指他昨日復工，不少傳媒到將軍澳電視城守候，但辦公時間內未見其蹤影，無綫電視外事部副總監曾醒明說：「冇收到公司消息話佢會返工，據我所知，佢聽日仲要去ICAC報到，應該過多幾日先明朗化。」
此外，李克勤不知道陳志雲復工，並冷笑說：「陳志雲都返TVB喇！幾時到我哋？」他表示恨亮相節目《超級巨聲》，但四大唱片跟無綫鬧翻令他夾在中間：「呢個節目啱晒我做啦！主持、評判或者表演嘉賓我都做得，四大唱片藝人夠晒成個騷啦！」志雲愛將鄧健泓則說：「冇聽過佢復工，如果真係都戥佢開心，佢係個好叻嘅人，去邊都會有好發展！」鄭嘉穎亦說：「唔知，呢排好少返公司，就算係都唔出奇，佢仲係公司總經理，返工都好正常。」