琦琦:每個人有不同觀點,對我嚟講,毒品係唔可以掂,無論咩年紀都應該遠離毒品。好似荷里活名人咁,掂毒品係好麻煩,尤其有知名度,無論係藝人或模特兒,都應該以身作則,對自己要求高。
陳嘉容:我唔想評論,但我個人對吸毒好反感,奉勸時下年輕人對毒品Say No,健康啲人都靚啲嘛!
袁彌明:犯法嘅嘢唔可以話No big deal,我明佢(鄧達智)想撐Rosemary,但唔係用呢個方法,你撐佢係專業Model就話得啫!一樣嘢還一樣嘢,我覺得犯法嘅嘢is a big deal!
莊思敏:始終我唔係親自由當事人把口聽番嚟,始終係人傳人,所以我唔會盡信。
何國鉦:作為公眾人物,Rosemary係好多人嘅榜樣,佢嘅生活要檢點,就算任何公眾人物,都要對自己言行舉止負責任,特別係不合法嘅事,社會係唔會接納。