泳兒前晚穿上超性感舞衣為《星光熠熠耀保良》演出，同場還有側田、蕭亞軒、張智霖、容祖兒及王菀之等。期間，泳兒大騷「事業線」獻唱快歌《十二個我》，難怪她在慶功宴上笑說：「入行以嚟第一次咁性感！」為免走光，她笑言即使漏帶乳貼亦要黐滿膠布：「皮膚敏感都唔理！」

蕭亞軒同樣谷胸勁舞，與泳兒針「峰」相對。

HotCha前晚表演高難度啦啦隊舞蹈，難怪損手爛腳。

戥徐美琪唔抵

對於曾與黃長興傳緋聞的徐美琪女爵士在台上不慎露胸，泳兒坦言意外難以避免：「發生喺女性身上好不幸！」而在後台目擊事件的陳偉霆說：「佢好努力拯救同用手掩護！」並自爆經常在台上跳到爆呔，幸未被發現。

陳偉霆大讚徐美琪以手掩護走光，反應夠快。

陳偉霆

至於HotCha成員Crystal則先於表演時拉傷筋，其後又在後台樓梯跣低，唱片公司漏夜送她入急症，Crystal昨日說：「醫生話尾龍骨最尾嗰節裂咗！好彩唔算嚴重，但要休息三星期。」而HotCha昨日則二缺一連走三場，Regen說：「我會送水泡畀佢坐，因為佢坐低好痛！」

無綫配合調查

此外，無綫製作部總監（非戲劇製作）何麗全在慶功宴上表示，徐美琪不慎走光純屬意外，暫時未知有否接獲投訴：「佢綵排過好多次都冇事，佢都盡力補救，我都追問過鏡頭前係點，回覆係不太過火。」對於盛傳陳志雲即將復職，他表示公司未有公布。至於廣管局對無綫被投訴涉嫌壟斷巿場展開調查，他說：「公司表明會全力合作，希望得知壟斷嘅定義同方向，係咪同事嘅努力就等於壟斷？」