佘詩曼、陳豪與陳法拉等昨日出席屯門仁愛堂《公主嫁到之愛心善心慶中秋》活動，對於獲周潤發點名讚愈演愈好，阿佘說：「好開心，我嘅喜劇細胞仲有進步空間。（鍾意咩喜劇演員？）周星馳、毛舜筠。（發哥冇份？）我鍾意佢揸槍型仔Look！我係佢Fans，出道冇耐時，聽過佢主講演戲技巧同演員道德，我畀佢嘅風采迷倒，佢嘅說話對我好有影響。」
同樣獲發哥讚賞的陳豪則說：「發哥畀到好大鼓勵我，我會繼續努力。我好幸運，中到發哥嘅喜好，希望再試唔同劇種。（想同發哥合作？）求之不得，佢係國際級o架！」而法拉則自爆向阿佘偷師：「我做新人嗰時，發哥都讚過我，當然想再被讚，但我依家唔係新人，要向更高目標進發，希望到時可以得到發哥同觀眾嘅讚賞！」
