娛樂圈最近頻傳喜訊，繼林嘉欣下嫁廣告導演後，唐寧又宣布與舞台劇演員鄧偉傑結婚！鄧偉傑早年曾與容祖兒及黃子華合照留念，與祖兒有一面之緣，但祖兒昨日出席《空港》EP簽名會時，坦言已不記得何時合照，但仍向一對新人送上祝福：「好開心，好幸福！」

祖兒獲贈機場模型，配合EP的名稱「空港」。	不少歌迷要求合照，祖兒亦來者不拒。	祖兒看見歌迷行動不便，即主動上前為他簽名，十分親切。

單身多年的祖兒，被問到感情有否眉目時笑說：「我都好幸福，我嘅幸福比較另類，每人有一條幸福道路，我就喺事業、生活上追求快樂。（咁你會唔會接受大十幾歲嘅男人？）我同年紀太細嘅朋友好難溝通，會有代溝，我鍾意同年紀大嘅朋友傾偈，人生經驗係用錢都買唔到！（有冇傾慕過年紀大嘅人？）咁又冇，識親都係圈內朋友。（偶像劉青雲呢？）我係欣賞佢，唔係傾慕。」

下月停工備戰演唱會

祖兒在活動上只為歌迷簽名，沒有獻唱，受訪時又細細聲說話，她說：「近排把聲唔舒服，要細聲講嘢，可能前半生用盡晒講嘢Quota喇！我一向講嘢大聲，笑又大聲，依家要做溫文爾雅嘅斯文女人，好好保護把聲，Keep住呢個態度到演唱會為止。」將於11月舉行演唱會的她，笑言10月便停工，所以現時要積榖防飢 ，儲定彈藥。