本文重點
昨日為下月舉行演唱會造勢的衞蘭（Janice），被問到Rosemary涉嫌藏毒及撞車不顧而去的案件時一臉愕然，經記者轉述後才如夢初醒，她說：「唔想評論人哋嘅嘢，我又唔太清楚，不過我會為佢祈禱。」Janice指在一個時裝展活動上認識對方，但不算深交，當被記者再追問時，她無奈地說：「唔想夾硬答，唔講啦！好熱呀！」
為個唱減肚腩
雖然個唱舉行在即，但Janice收身仍未見成效，連她亦直言未減到：「想減到肚腩，希望到時可以Keep到24、25吋腰，好耐冇試過喇！（着性感歌衫上陣？）到時睇咪知囉！（依家敢露邊Part？）膊頭囉！但有時唔係露幾多，貼身衫都可以凸顯身形！」提到參演的《為你鍾情》票房反應一般，Janice表示沒有氣餒，皆因當初接拍只因喜歡劇本，拍攝過程亦令她得着甚多，至於日後會否再接戲，她表示一切隨緣。
另外，Janice師妹JW已返英國繼續學業，臨行前老闆黎明特別為她設宴餞行，JW的父母亦有出席。黎明把握機會向他們「攞人情」，希望JW下月能返香港一次，擔任Janice演唱會的嘉賓。