中秋將至，向來緊貼潮流的名模姚予晴（Mikki）早已掃了不少秋冬Hit Items，其中以豹紋巾最值得推介：「秋冬興豹紋，不過就未必係衫，因為豹紋衫對中國人嚟講比較難Carry，好難着到Wild嘅味道出嚟，所以豹紋配飾比較適合，例如鞋、袋同絲巾等！」Mikki表示若想表現出年輕感覺，應以豹紋配飾襯T-shirt牛仔褲；想營造高貴Look則不妨襯黑色衣物：「其實駱駝色都好適合襯豹紋配飾，有個Total Look感覺，效果仲Trendy！」
Mikki手上的豹紋巾是2010秋冬新貨，約7,000港元，但她認為物有所值：「我覺得呢個品牌嘅豹紋像真度好高，顏色飽和度又高，如果Keep得好，可以用好耐！而且豹紋可謂長興長有，喺Animal Print當中，豹紋係最Long Lasting，比起斑馬紋同蟒蛇紋更易襯同更高貴！」