男女子組合小龍鳳成員羅澤鈞（Anson）飼養了兩隻狗，分別是5歲的Sing Sing及6歲的Lucky，談及Sing Sing與Lucky「初到貴境」的情況，他即滔滔不絕地說：「記得第一日帶佢哋返屋企，唔知點解總覺得佢哋悶悶不樂，可能去到陌生環境驚啩！所以成晚同佢哋傾偈，話畀佢哋知：『呢度係你哋新屋企喇！』第二日見到佢哋明顯安心咗好多，仲主動跳上我度同我玩，嗰刻真係好開心、好難忘！」
Anson還大讚Sing Sing與Lucky非常精乖，記得約3、4年前，他因準備參加乒乓球賽而日夜受訓，最終病倒，Sing Sing與Lucky每日為他打氣：「佢哋兩個見到我成日喺屋企冇晒精神，就輪流陪住我，真係病都好得快啲呀！」