女星出席活動時少不免行性感，務求搶「峰」頭，「微波級」的梁詠琪（GiGi）以一襲開胸Ferragamo長裙贏盡一眾「胸」軍，更獲時裝設計師郭慶彬力讚索爆！
梁詠琪本周最索
評分：★★★★★
評語：「佢好少以咁性感打扮見人，幾Sharp幾吸引，證明平胸着低胸裙都有另一番美感！條裙設計簡單，用靚骨架撐起成件事，手臂粗少少都唔靚，好彩佢高挑嘅骨架着乜都靚，唔覺得Cheap！」
Amanda S.簡單最美
評分：★★★★
評語：「簡簡單單，雖然營造唔到波濤洶湧嘅效果，但係簡單美感見到身形線條，如果身材豐滿啲嘅人着，成件事就會Cheap咗！」
熊黛林剪裁恰當
評分：★★★★
評語：「露得矜貴，條裙剪裁恰當，上半身Tube唔太性感，下半身騷少少長腿已經好靚！」
官恩娜老氣橫秋
評分：★★★
評語：「件衫太成熟喇！Deep V係搶鏡，但佢Carry唔到件衫，可以揀條後生啲嘅款！」
白歆惠九唔搭八
評分：★★★
評語：「佢本身樣靚身材好，但佢呢身台式打扮娘娘哋，同埋佢個髮型好恐怖！」
廖碧兒娘爆師奶
評分：★★
評語：「裙款好師奶，走番十年前朱茵嘅Style，露得好娘！加上粗帶令佢個膊頭更橫！」
陳靜豹紋累事
評分：★★
評語：「雖然條豹紋裙肉感十足，但係搞到佢老氣咗，一啲都唔矜貴！」
松金洋子本周最劣
評分：０
評語：「佢真係好有AV Feel！低俗式性感，無論Pose、動作、儀態同打扮都露得唔矜貴，真係好驚，最怕上又露下又露嘅感覺，實在太Open喇！」
椋名凜Big得太緊
評分：★
評語：「佢次次都同露肉掛鈎，條裙Cutting一般，着得佢幾大隻幾橫，Deep V太Deep，畀人抖唔到氣嘅感覺！」
呂慧儀為露而露
評分：★
評語：「裙嘅款式有問題，闊膊Cutting令佢好論盡，前露後露唔矜貴，太俗太娘！為露而露！設計Too Much太多嘢，佢真係冇乜Taste同Sense，完全係為見報乜都露！」
Profile
郭慶彬（Ricky Kwok）加入時裝界8年，從事廣告形象指導為主，曾為熊黛林及樂基兒等名模設計形象，並在銅鑼灣開設時裝店，主要售賣日本及英倫服裝。