名模Rosemary在美國涉藏毒及撞車後不顧而去，昨日郭錦恩出席JOAN & DAVID秋冬時裝預覽時說：「其實毒品唔可以試，會玩出火，係攞嚟衰，好似最近我先生哥哥嘅十幾歲個仔，就因為被發現喺學校食大麻而被趕出校，最慘係佢明年就升大學。」她又謂和Rosemary並不稔熟，但知道對方愛蒲，不過在美國長大的她承認曾吸大麻。而其他名模更對Rosemary事件議論紛紛。
陳嘉容向吸毒Say No
我冇打畀Rosemary，暫時唔會擾騷佢，我都好擔心佢，都奉勸大家唔好掂毒品，一定要Say No。佢樣靚身材又好，係一個好乖嘅女仔。（Ana R.同佢劃清界線？）佢講笑啫！其實外國模特兒利用吸毒減肥係好普遍嘅事，但我就一定會拒絕。
歐陽妙芝樹大有枯枝
Rosemary出道我已經睇住佢，佢好聽話同尊重前輩，我冇喺工作環境見過佢有不良嗜好，可能遇人不淑。（Lisa S.講到模界吸毒好似好普遍？）樹大梗有枯枝，睇吓個人有冇潔身自愛。
趙嘉懿希望畀機會
我同Rosemary係好朋友，事發後我都有SMS佢。佢係一個健康嘅人，每日都會跑步同健身，冇諗過佢會接觸毒品，希望大家畀個機會佢。（有冇畀人引誘過？）大個咗引誘就冇用，不過我身邊都曾經有人食毒品。