國際影星周潤發沉醉光與影，去年為了「第二最愛」到內蒙三日兩夜展開攝影之旅，「邂逅」香港攝影文化協會主席梁家泰及其他成員，每位對攝影都有崇高理念，在他們身上學到不少攝影秘技，發哥說：「嗰三日我撇開老婆，遊山玩水。佢哋嘅攝影技術，令我大開眼界！」雖然尚未入會，但發哥樂於為協會推廣，尤其稍後舉行的《香港攝影節2010》：「佢哋想我出席每次影展，但拍戲時間唔到我控制，所以我幫手推廣。」

醉心攝影的發哥，曾拍下不少精美作品。(資料圖片)

放大圖片

菲國悲劇印證生命無常

在娛樂圈奮鬥37年，獲獎無數、身家豐厚的發哥看破名利，早已與太太「發嫂」陳薈蓮有共識，會效法超級富豪蓋茨和巴菲特捐出財產回饋社會：「所有錢都唔係我，只係我搵番嚟，並唔代表我要永遠擁有！如果我死，會將99%財產捐出，臨走時乜都唔想帶走。」上月的菲律賓挾持人質事件，對發哥亦有所啟發：「成個家庭一瞬間破滅，非常不幸，好Sad！其實件事冇話點去處理，喺第二個國家度，我哋控制唔到。可能係上天安排，印證生命無常，人太多欲望不完，但原來隨時話走就走，何必逼得太緊呢？團友客死異鄉嘅結局，令人黯然神傷。」

發哥與發嫂早有共識，會捐出財產回饋社會。(資料圖片)

發哥細心研究「香港攝影文化協會」成員的攝影作品。