一年容易又中秋！藝人接受考寫字及講古大挑戰，潮媽陳慧琳（Kelly）利落寫出經常考起人的「后羿」正字；古巨基更是「古Sir」上身，滔滔不絕講出月餅起源！
挑戰1
寫出「后羿」、「嫦娥」、「玉兔」、「吳剛」及「燈籠」的正字
應戰者：
陳慧琳、劉心悠、OctoBeez
劉心悠 成績：中5題
劉心悠驚青接受挑戰：「好驚啊！我中文唔叻o架！」不過愈寫愈放心，更興奮地說：「Yeah！I know this！」當中唯獨被「羿」字考起，不過在提示下成功過關，攞100分！
OctoBeez 成績：中4題
OctoBeez4位成員聽見要考寫字即互相推選對方為代表，最後派出Hazel及Vibeke應戰。兩人同樣被難度較高的「后羿」考起，Hazel以「后Ngai」回答，Vibeke則寫成「后弈」。OctoBeez自知寫錯字，即時大跳Super Junior的《Sorry Sorry》舞步，場面搞笑！
陳慧琳 成績：中5題
Kelly面對挑戰從容不迫，九秒九以秀麗字體寫出五個詞彙，更附送「中秋節快樂」的祝福及簽名一大個，Kelly果然夠稱職，完全冇被挑戰難倒。
挑戰2
講出一個有關中秋的傳說或冷知識
應戰者：
古巨基、鍾舒漫、RubberBand
鍾舒漫 成績：4個叻
Sherman自認歷史方面水皮，雖然對嫦娥奔月等故事半桶水，不過亦能講出燈籠的起源：「以前家家戶戶都用燈籠照明，啲小朋友喺中秋節夜晚都會拎埋燈籠出街慶祝」勉強畀你過關啦！
RubberBand 成績：2個叻
主音6號自言對歷史有研究，一一講出月餅、后羿、嫦娥及燈籠等起源，準繩度達90%，認真厲害！至於泥鯭被問到點解中秋節要玩燈籠時，竟說：「係咪嗰時冇Internet，惟有出街玩燈籠，維繫感情？」
古巨基 成績：5個叻
問到月餅起源時，基仔立即講出：「我記得應該係有關朱元璋組織起義，用紙條塞入月餅傳遞訊息嘅故事。」嘩！「古Sir」果然名不虛傳！