羅仲謙、楊梓瑤（Carol）
有幾手多：男女「波神」代表羅仲謙同楊梓瑤（Carol），近排拍戲終於有機會一較高下，唔知係咪自己谷極都唔夠E Cup嘅Carol大，謙謙竟然用暴力解決！佢用手箍到Carol實一實，拍戲之餘又可以報番輸「波」之仇！
手多多指數：*****
周秀娜 揸雪條誘龍友
有幾手多：娜姐「寫真女王」呢個稱號真係名不虛傳，就算食支雪條都誘惑過人！早排佢拍戲諗住食雪條消暑，點知一有龍友舉機，佢即刻「寫真女王」上身擺出殺死人甫士！睇嚟佢嘅「職業病」都幾嚴重吓！
手多多指數：**
徐濠縈、謝婷婷、何韻詩 做甫士王
有幾手多：正宗Rock友何韻詩真係有姿勢有實際，整起Rock手勢都型過人！反而門外漢阿徐就擺得唔多似樣，Hea味十足！佢應該學吓婷婷咁，企靚擺甫士咪幾好，唔使輸人一大截啦！
手多多指數：**
林峯 合十顯誠意
有幾手多：林峯早排頸椎移位，住咗三日先出得院！難得佢出院時企定定任影，病到戴晒頸箍、口罩仲要雙手合十，咁有誠意，抵你咁紅！
手多多指數：****
陳豪 出手沙冧
有幾手多：有指同鄭嘉穎傳緋聞嘅內地女模徐靖雯係陳豪介紹，陳豪好緊張澄清冇咁嘅需要，唔知係咪驚緋聞女友廖碧兒嬲，仲即刻沙冧！
手多多指數：***
冬甩 互摸調戲
有幾手多：o靚模組合冬甩嘅胡心諾（Rainbow）同許麗燕（Irene）早前喺寫真玩完「浴缸斷背」仲未夠喉，最近佢哋幫公司影相，Irene用左手調戲Rainbow，但Rainbow睇落就唔係好受，唔知係咪諗住經理人Admond呢？
手多多指數：***
黃宗澤 負傷掩面
有幾手多：近排無綫小生多災多難，林峯嗰頭入院，轉頭黃宗澤又因拍劇受傷，唔知係咪畀人提起佢啲傷心事，佢突然用手遮咗自己半邊面，係「男人最痛」嘅最佳演繹！
手多多指數：***
陳偉霆 自摸扮MJ
有幾手多：陳偉霆近排設計咗啲新舞步，其中有個左手自摸動作，意識大膽，十足米高積遜（MJ）上身！但睇佢個樣都好似幾尷尬！
手多多指數：****
容祖兒、王祖藍 玩手指
有幾手多：祖兒最近喺電視台咁啱撞到祖藍，着咗幾吋高踭鞋嘅祖兒企喺祖藍隔籬零舍高人一等，仲傾到手指指，唔知係咪講緊祖藍早排撞車單嘢，祖藍仲投入到瞇晒眼，係咁不停點頭！
手多多指數：*
張智霖、袁詠儀 Give Me Five
有幾手多：佢兩公婆見到記者唔單止冇黑面，仲笑晒口打招呼，乜嘢叫「模範夫妻」，真係一睇佢哋就知！一齊戴黑超仲要同時做出「五」字手勢，莫非呢啲就係傳說中嘅心有靈犀一點通？
手多多指數：**
（5*為最高）