因來港出唱片而與Rosemary結成好友的「亞洲版Beyonce」歌手劉晨芝，得知Rosemary在美國內華達州的戶外派對被搜出搖頭丸被捕，她大表關注，並表示有需要的話會幫Rosemary搵律師，劉晨芝說：「美國好多呢類派對，每逢有大派對警察都要加緊巡查，依家佢出事我都會SMS慰問佢，希望佢冇事。我嚟緊會返美國，如果有需要可以幫佢搵律師。」劉晨芝表示只知Rosemary愛唱歌，但不知她想當歌手，她說：「想發展音樂事業最好去洛杉磯、紐約大城巿，佢開到聲我一定會介紹當地音樂人畀佢識。」
另外，在美國長大的歌手MC Jin說：「美國藏毒都係犯法，因為唔清楚成件事，所以好難去分析。（識唔識佢？）唔熟，不過希望佢冇事。（如果佢邀請你合作會唔會答應？）冇聽過佢唱歌，呢個時候最緊要佢冇事。」