回應

鄧永鏘：我哋好耐冇見！（點睇佢涉嫌藏毒？）喺美國撞車遲早畀人捉到，畀人捉到係蠢，總之畀人捉到就唔好彩。（之前佢有冇濫藥？）自己唔吸毒就唔識啲人吸毒，全世界嚟講，吸毒係壞事，唔明點解啲人吸毒！

鄭紹康：很多人要壞過才懂得節制， Rosemary我是支持你的，今後定必會生性做人。

曾　咏：以往曾經喺工作上同Rosemary碰面。（模特兒濫藥？）屋企人聽到呢啲事，都會擔心，但我唔煙唔酒，公司嘅其他模特兒都唔食煙，希望外界唔好將模界定型。

肥　媽：我唔知咩事，唔識回應，不過如果佢返嚟要出碟又冇簽到其他唱片公司，我一定會幫佢！佢個人好乖，合作過幾次永遠都係早到遲退又抵得諗，唔信佢會吸毒，100%Support佢，如果佢做錯事，我會第一個出嚟幫佢！

麥潔文：我冇教過Rosemary唱歌，覺得時下年輕人好難教，呢輩人係聽唔入耳，佢覺得啱就由佢繼續做，終有一日佢會覺得行唔通。（認識Rosemary？）唔識佢。（Rosemary轉做歌手更難行？）要睇佢醒唔醒喇！不過娛圈風氣都唔係好，好多藝人吸毒，需要正視。

網友回應

當Rosemary涉藏毒被捕的照片公開後，她即成網友熱門討論話題，特別對她的素顏照大加評論：

「點解個眼袋可以大到咁？係唔係吸毒嘅禍害？」

「她的素顏真係嚇死人！」

「哇……個樣好殘，查實佢有幾多歲。」

「藝人依然未能吸取教訓，竟然仲喺外國以身試法。」

「又係畀個大染缸浸壞咗！競爭大，一時行錯，好難返轉頭。」

「佢以前話過向毒品Say No(o架)！」