君如今次夥拍「女神」周慧敏演出新片《得閒炒飯》，戲中的火辣咀戲及床戲令影迷嘩然。原來接觸劇本之初，君如亦對戲中角色的理智及大膽自愧不如：「開拍之前我都摸唔清阿Ann（許鞍華）要乜，佢於是介紹咗個朋友畀我識，嗰個朋友就有晒呢啲特徵嘞！」

吳君如不擔心陳可辛有異性投懷送抱。(資料圖片)

許鞍華介紹朋友給吳君如模仿。(資料圖片)

唔懷疑陳可辛

君如當年就讀於女校，亦是校內風頭躉：「（同學之間）總會感情投射嘅，唔使大驚小怪，我自己都仰慕過啲好型、長腿嘅姐姐。」在情路上尋尋覓覓後，君如最終情歸陳可辛，她說：「女人專一，男人就焗住要專一，無論心態同性能力，佢哋到80歲都仲得，因為係本能嚟嘅！咁睇吓你（指女性）要啲乜囉，如果明白就自然唔會有拗撬。」

問到有否擔心有異性向陳可辛投懷送抱，她說：「不如佢擔心我好過啦！唔應該思前想後，去懷疑一啲根本唔知有冇發生過嘅事。兩個人相處，愛情可以喺好短嘅時間就結束，剩低嘅其實係感情，應該將對方嘅優點無限放大，學曉點去欣賞別人。」君如坦言無論精神及經濟，亦不依靠別人，難怪可以「口響響」啦！

試過戲假情真

雖然已為人妻，君如不介意「翻情史」，主動提及以往不時與戲中對手擦出火花：「同啲男主角合作，梗係要欣賞佢哋啦！有時都好掛住對方，之前亦試過戲假情真，但只係維持咗一段時間，況且嗰時單身，冇問題喎，依家梗係要學曉抽離，我冇問題OK喎！」