少男殺手李蘊（Renee）與劉欣宜（Miyoko）屬同門姊妹，加上經常「拍拖」出騷感情特別要好，日前更相約超級Fans鄭智殷現身《娛樂on Show》，接受主持人Angela訪問。Renee透露與鄭智殷緣分不淺，Miyoko則自爆接變態電話被性騷擾，非常困擾。

劉欣宜回想電話內容仍覺惡心，不敢告訴家人。

李蘊指與鄭智殷的相識全賴有緣，並感謝對方一直支持。

李蘊緣結頭號粉絲

Renee透露與鄭智殷的相識全靠緣分，對方還是「半個師弟」，她說：「我哋真係幾有緣，以前成日喺不同嘅公開活動撞見，之後佢做咗我嘅Fans後繼續捧場，見得多都Friend咗！之後，某日我同Miyoko去錄音室錄音，發現原來個監製係佢嘅填詞老師，佢仲係我排舞老師嘅學生。」

至於Miyoko自爆近日接到性騷擾電話，令她感困擾：「最近經常接到啲怪電話，我接聽時對方唔講嘢，只係播放好似AV主角嘅呻吟聲，好惡心又恐怖！我唔敢同屋企人講，怕佢哋擔心。不過，好彩有公司同事同Renee開解，成日陪住我，恐怖感覺已經消退！」