鄧紫棋（G.E.M.）昨日以海星計劃大使身份出席海港城舉行的環保活動，她身穿由塑膠垃圾所造的短裙，並說：「因為啲物料係膠同發泡膠，所以好焗同好拮，不過着上身係值得！」明年3月在紅館開騷的她表示，有意向經理人推薦設計環保裙的設計師。另外，對於被指與緋聞男友林宥嘉鬼混，她直斥報道失實：「係雜誌無中生有，唔可以扭曲事實！真係好嬲，有冇搞錯，離晒譜！字眼係人身攻擊！（採取法律行動？）冇用啦！就算寫道歉信都落喺好細嘅位度！」她強調沒有為事件與林宥嘉聯絡：「唔使聯絡，大家都知冇呢件事！」