周慧敏（Vivian）、吳君如、羅愛欣、郭秀雲及黃佩霞等昨晚欣賞MaxMara 2010秋冬時裝騷，當中Vivian與君如造型大兜亂，前者以一頭短髮中性形象示人，後者則低胸上陣散發女人味，Vivian說：「由得君如搶鏡，佢通常都男仔啲，而我就女仔啲，大家都想轉吓！」她自爆留長秀髮有苦衷：「我天生攣頭髮，剪短髮會好似米高積遜個妹，似黑人添！留長頭髮可以吹直，易Handle啲！」

黃佩霞睇住Rosemary長大，希望對方冇事。

君如（右）拖着周慧敏入場，愈看愈合襯！

Vivian自爆中學時代造型騎呢：「我中一至中六都係短髮，戴副勁厚嘅眼鏡，根本冇人認得係周慧敏！（冇男仔追？）比較少，成個書蟲咁特別，所以我中五先初戀！（嗰時短髮有冇畀人誤會係TB？）冇，我又唔係讀女校，少畀人誤認，而且我性格又唔豪爽！」問到有否向君如求證是否有孕？她說：「最初問過，佢話冇咪信囉！」至於君如坦言擔心走光，坐下時都挺直腰。

羅愛欣坦言感情空白，但她並不着急。	大會搭建特大舞台，場面華麗。	模特兒示範秋冬新裝，令人眼前一亮！

羅愛欣頻頻相睇

另外，羅愛欣表示未有拍拖對象：「朋友約會就有。（好Dry？）唔會，我屋企多人，又有三個家姐！（家姐結婚，你想唔想？）隨緣，都唔係咁老啫！家姐不停介紹男仔畀我識，清倉之後再換血！」她坦言人長大了，擇偶要揀成熟男士，更否認曾在情路上受騙。至於黃佩霞則對Rosemary涉嫌藏毒感到驚訝：「我睇住佢大，都想佢冇事！我聽過好多模特兒濫藥，但就冇見過！」