DaDa坦言要孤獨過節：「冇男友，惟有同朋友賀中秋，希望下年有男友陪一齊過。我減緊肥，目標減10磅，依家減咗4磅，中秋都要節食，心口一定唔可以縮水，上圍對我事業好有幫助，行性感可以突出我嘅賣點，我會善用，我怕遲啲唔興，我會冇嘢做。」

此外，Rachel表示會與家人一起賞月：「我就會同屋企人食雪糕月餅賞月，一年一次唔怕肥，每年我都會儲一個燈籠，今年都唔例外。最近我有份為亞運做宣傳，雖然唔使着運動裝推廣亞運，但都好開心，我最擅長嘅運動係乒乓波，最鍾意跳水運動員郭晶晶。」