Rosemary於28歲生日前惹上官非，堪輿學家麥玲玲表示生肖屬狗的她易惹官非：「出年係『合太歲』，佢嘅工作運、家宅運同名氣運會再差啲！（過唔過到呢關？）佢會好煩好困擾！（有牢獄之災？）咁又未至於！當然要搵律師幫忙，睇吓有冇機會判緩刑或社會服務令！」對於當地警方發布的Rosemary照片，麥師傅說：「佢精神唔夠，雙眼冇神，眼袋好深，健康運欠佳！佢個樣唔係太差，不過會任性同主觀性強啲！（點解決？）若果有喜事，好似結婚、買樓等都可以沖喜。做多啲放生，着淺藍色、白色同米色衫都有幫助！」