Jessica C.：「其實我同Rosemary唔熟，真係唔希望佢有事，應該畀個機會佢！」
馬德鐘：「我哋之前做Model時認識，佢嗰時16、7歲，次次都帶埋媽咪出嚟！（對佢印象？）嗰時覺得佢幾乖女o架！」
名人李桂蘭兒子戴尚安：「希望佢平安！」
經常到夜店打碟的Annie G.說：「我冇食過煙，酒量又差，所以打完碟避免麻煩，都會跟工作人員一齊走！之前有啲唔熟嘅朋友畀丸仔我，嚇到我呆咗，即時遠離佢！」
OctoBeez成員Hidy：「好愕然！都聽過模界有人用吸毒減肥同減壓，我唔贊成，咁做對身體有害，而且愈食愈殘！」
汪圓圓：「佢個人好好，做嘢好專業！（喺外國冇保險揸車係咪好大件事？）加拿大就好大件事，一定畀人捉，會好麻煩！」
Rainbow：「做人要錫自己！我同Monique（曾涉毒案）都有Keep住聯絡，唔驚呢啲新聞會影響大家對模特兒嘅感覺！」
楊愛瑾：「我識佢，不過唔係太熟！身為公眾人物，唔應該有壞榜樣，希望大家唔好好似煲蠟咁，貪得意！每個行業都要面對壓力，唔應該用壓力做藉口！」
陳靜：「印象中佢身形好好，估唔到會咁！真係唔好做呢啲嘢，個罪名跟一世！」
周秀娜：「身為公眾人物，點都唔應該吸毒！話人之前要諗清楚自己有冇做過（吸毒），同埋以後會唔會做！希望佢潔身自愛，吸收得到教訓啦！」