莊思敏：「好驚訝！最近佢先同我講話戒緊煙！減壓有好多方法，濫藥只係藉口，食嘢做Spa都可以！（男友吳浩康早年亦曾涉嫌藏毒？）佢冇同以前啲人來往，佢同我一齊之後，冇咗呢啲習慣，如果佢再掂毒品就一定分手！」
姚予晴：「好驚訝！知道後呆左幾秒先出到聲，以為睇戲先有！唔知佢係咪保釋期間出事，如果係就罪上加罪！佢為人友善，做嘢時唔覺佢有迷幻感覺，佢份人好單純、思想簡單，可能畀朋友影響！」
馬詩慧：「可能佢去到外地變得Wild啲，可能受人影響，加上佢咁細個就出嚟做嘢，唔係壞女仔！（模特兒相繼涉藏毒？）唔關係咪Model事！（毀咗Rosemary前途？）唔知點解佢咁多負面新聞！」至於早年曾承認年輕時接觸毒品的王敏德說：「佢好Unlucky！」之後便表示要上洗手間，沒有再做訪問。
陳嘉容：「可能佢貪玩！（佢有吸毒嗜好？）我一直唔知！希望佢快啲冇事，幫到佢都盡力去幫，會勸吓佢！」
楊崢：「好震驚！佢係叻女、好有教養，相信今次係一時衝動！我睇住佢入行，如果有需要會幫手，呢刻我覺得唔好騷擾佢！」
周倩圯：「我同佢唔熟，佢要為自己所做嘅事負責任！（件事影響模界聲譽？）唔可以話影響成個Model界，係佢自己嘅嗜好！」