名模Rosemary涉藏毒在美國被捕，震驚整個娛樂圈及模特兒界，曾與她同居的好姊妹Ana R.，雖然於07年傳被對方踢爆新戀情而反目成仇，但近年已和好如初。不過，一切原來只是「表面」，Ana R.昨日回應Rosemary涉藏毒一事時，竟冷淡得像陌生人，11年姊妹情不再！
Lisa S.少見面
Ana R.在電話中說：「其實我哋冇以前咁Close，當然唔想佢發生咩事，依家我最擔心係佢媽咪，因為要處理日後事務。（會唔會聯絡Rosemary？）我唔可以做到乜，唔想件事搞大。」至於自爆曾吸食大麻的Lisa S.則十分驚訝：「吓！佢有毒品？有毒品喺美國係大件事，其實喺邊度都係大件事！（知唔知佢有不良嗜好？）冇聽過亦冇睇過。」她坦言近年與Rosemary甚少見面，不知道她是否誤入歧途，至於是否聽過有模特兒吸毒，她說：「呢條係愚蠢嘅問題，根本呢樣嘢喺世界各地都會發生，我十幾歲時都被人引誘過，食過大麻，但依家一定會Say No！」
Rosemary看似眾叛親離之際，戴妮廷與趙嘉懿卻對她予以關心，其中趙嘉懿與她同期出道，十分老友：「佢去紐約前見過面，仲話等佢返嚟再食飯。（喺外國吸毒好普通？）都係，好多模特兒都當『隊草』好普通，但我會勸佢，始終對身體唔好。」
戴妮廷代求情
至於與Rosemary相識多年的戴妮廷，上周曾與她電聯，並踢爆她此行是慶祝28歲生日：「以我所知，佢係同男友慶祝生日，當時佢好開心。（佢有冇不良嗜好？）從來冇，之前佢參加慈善活動，訓練期間不煙不酒，好健康！（覺得佢畀朋友引誘？）可能啦！去度假可能心情放鬆咗，但佢嘅性格唔係咁易受人影響。」她表示無論結果如何，都是人生經驗：「應該唔會太嚴重，如果Paris Hilton仲係一條人命，Rosemary應該冇乜大問題。」她希望外界給予好友機會：「可能佢一時貪玩，一時錯誤，平時做嘢壓力咁大，可能開心飲咗酒先會咁。」