姬蒂前日到錄影廠接受電視台訪問後，偕老公靚佬湯出席新片《The Romantics》首映，身穿白色短裙襯黑色外套的她，不時輕倚老公，又突然攬着他，在鏡頭前大晒恩愛！

送玫瑰冧老婆

姬蒂受訪時大讚靚佬湯極有情趣，常常送花給她：「無論我去到邊，即使係去旅行，我老公總能送一束紅玫瑰畀我！上年佢拍《戀戰特務王》，而我就拍緊《The Romantics》，但為見對方一面，我哋都特登飛來飛去！」對於在新短劇中飾演已故的甘迺迪夫人，她表示非常榮幸：「我好敬重甘迺迪夫人，佢係一個好媽媽同一個女強人！」談及女兒蘇莉，她說：「蘇莉好有主見，我同老公每一日出門口前，都會問佢意見。」

傳媒近日多次拍得靚佬湯一家三口溫馨逛街，前日，靚佬湯更帶蘇莉到紐約中央公園玩，身穿粉紅色裙仔的蘇莉，在公園內跑來跑去，又與Daddy玩「空中飛人」，笑得十分開心！不過，愛女心切的靚佬湯，為免年僅4歲的囡囡玩得太累，單手抱着她離開，可謂廿四孝老竇！