莫文蔚、任達華與太太琦琦、Ana.R.、周倩圯及高以翔等昨日出席時裝騷。在音樂上主攻內地及台灣巿場的莫文蔚透露，將推出香港版唱片，她說：「我對香港版呢隻碟好有誠意，啲相係全新影，而且會有多兩隻MV喺入面，其中一隻MV會有出浴鏡頭。」向香港Fans送大禮，她說：「我對佢哋（香港Fans）好好，真係沖涼。（有冇泡泡?）有包住毛巾，有水冇泡。」至於拍攝大膽的香艷鏡頭，事前有否詢問過緋聞男友張亞東意見？她說：「自己影呢啲從來冇問過人，就算之前露股嗰輯相，都係影完先記得返屋企同阿媽講。」

Ana.R.谷出事業線，同樣吸引。	任達華（左起）、琦琦、莫文蔚及高以翔聚精會神睇騷。	周倩圯悉心打扮出席時裝騷。

華哥相機贈君如

而出名廿四孝父母的任達華及琦琦表示，因女兒已習慣上學，兩公婆難得抽空去旅行，前晚剛由英國回港。華哥透露在飛機上有個二百多磅男子為他而哭，他說：「個男子坐喺我對面，無端端喺度喊，我覺得好奇怪，佢望住我問係咪任達華，之後好驚訝，原來佢喺飛機度睇緊《歲月神偷》，感動到喊。我自己都好感動，佢竟然因為睇我嘅戲睇到喊。」

至於吳君如是否懷孕，華哥說：「佢自己會知，不過我答應送部相機畀佢影BB相，部相機已準備好。」