名模熊黛林（Lynn）昨晚壓軸行時裝騷，穿上超Deep V貼身裙的她盡騷事業線，但她否認真空上陣：「梗係有打底啦！做足安全措施o架！」出場時，Lynn差點老貓燒鬚跌倒，事後她解釋因台上的玻璃太滑，幸好經驗夠安全過關。提到郭富城前緋聞女友Amanda S.揚言結婚時不會邀請城城，Lynn即大方恭喜對方結婚：「我今日咁啱喺街度撞到佢。（有冇恭喜佢？）唔記得咗！我哋有打招呼。（見面會唔會尷尬？）唔會！以前一齊行騷時都有傾有講。」對於屢被傳整容的師妹Angelababy早前找醫生驗證沒有整容，Lynn表示不會效法，自言不會太認真去看待傳聞。