林峯早前主演的《談情說案》被指抄襲日劇《神探伽俐略》和《Mr.Brain》。而最近他與楊千嬅和周秀娜主演的新片《抱抱俏佳人》海報，再被指與丹尼斯奎特的舊片《Yours,Mine and Ours》的海報極之相似！千嬅用背部頂門，動作與丹尼斯奎特一樣，門後亦有一群人偷望！而林峯昨日因病取消拍劇集《花花世界花家姐》外景，晚上到電視城拍廠景時，回應海報涉抄襲：「好多影相組合同企位都差唔多，最緊要影出嚟靚。（成日被指抄襲？）唔覺得，一定會有相撞嘅，我冇所謂，無論咩電影角色，唔同人唔同組合，出嚟效果唔一樣。」
此外，千嬅昨晚身穿Sharon Wauchob服裝，與麥浚龍出席活動時說：「唔似，我拍得好辛苦o架！要吸住氣挺胸收腹用對腳夾住林峯，夾到我對腳都硬晒。（硬晒？）我講嘢要小心啲，我係有夫之婦，未畀老公睇張海報。」