身為「百果園咪神」陳靜師妹的「E Cup教主」鄧伊玲，趁模寫真戰的空白期，強攻本地寫真戰場，問准男友黎國輝後攞正牌行性感，以半裸寫真挑戰周秀娜等前輩！
有「E Cup教主」之稱的鄧伊玲（阿旦），憑密實財務妹廣告贏得「百果園咪神」陳靜（DaDa）經理人施念慈的垂青，近月被收歸旗下，訓練成為秘密武器，出擊挑戰「寫真女王」周秀娜及「浸大E神」楊梓瑤（Carol）。阿旦吼準周秀娜率領新舊八模師妹寫真轉攻日本，本地頓欠o靚模寫真的大好時機，豪擲6位數拍攝半裸超激性感寫真，於年底推出，以火辣E Cup身材令冬天升溫，為宅男驅寒！
阿旦坦言想承接同門師姐DaDa的氣勢，以E Cup咪咪殺出重圍，談到性感尺度，她說：「寫真一定有泳衣同內衣相，最激會有半裸，淨係用啲嘢遮住重要部位。（惹人遐想？）好事，唔好低俗就得啦！（去邊度影？）陽光海灘嘅地方，可能去峇里或者清邁。」
男友批准行性感
阿旦甫出擊即打正旗號推出性感寫真，原來與拍拖多年的男友黎國輝（阿感）早有共識，絕不怕對方呷醋，攞正牌行性感，她說：「佢批准，話身材好就梗係要留倩影，將來留番畀仔女睇，仲慫恿我去影，畀好多信心我，話如果失敗咗，仲有佢做後盾。」
Profile
姓名：鄧伊玲（阿旦）
年齡：25歲
三圍：32.5E、24、33.5
身高：160cm