對於緋聞女友廖碧兒拍攝荷里活電影《拳皇》上畫無望只推出DVD，陳豪表示並不知情，亦沒有聽聞過。問到會否致電對方安慰一番？他說：「咁又唔會！我唔係咁八卦，但聽聞好多電影都係出咗DVD先上畫，希望呢個Case都係咁樣。（戥佢可惜？）都有啲！因為呢個係西片製作，據知佢拍時打得好辛苦，如果冇得上真係幾可惜。」
另外，他昨晚出席時裝騷被問到廖碧兒自爆想35歲結婚，他即不知所措地說：「唔知點答，今日都唔知聽日事，以前以為30歲前結婚生仔，依家唔想Set太多Deadline。（唔公開戀情怕流失女Fans？）我比較含蓄，喜歡收埋，去到嗰個時候就會認。」
