曹敏莉（Mandy）下月二十八日在四季酒店擺喜酒下嫁金融才俊張家傑（Jacky），Facebook上發現她與未婚夫早前在港拍攝的婚紗照，兩人深情對望幸福滿瀉！Mandy又將好姊妹為她舉行的婚前派對照片放上Facebook，與友人分享喜悅！

李詩韻（中）為曹敏莉及朱凱婷舉行婚前派對玩餐飽。	曹敏莉與未婚夫Jacky情深對望，非常甜蜜！	曹敏莉下月出嫁，心情靚爆。

Mandy接受電話訪問時談到拍攝婚紗照的情景：「因為未婚夫想低調，所以都婉拒咗婚紗贊助，影婚紗相嗰陣佢成日望住我，我覺得佢望住我影相嗰時最自然。（畀未婚夫幾多分）唔識畀分，總之好好，有啲咩事搵佢都幫到我，佢個人好平靜，我就好多嘢講，真係一個凹、一個凸！」

多謝戚黛黛李詩韻

此外，同屆港姐好友戚黛黛和李詩韻特意為將出嫁的Mandy與朱凱婷舉行婚前派對預祝，Mandy說：「好多謝戚黛黛同李詩韻咁有心！玩塔羅牌占卜仲話我下年會生BB女，生BB順其自然，但係繼續工作，事業都會向上，話我可以兼顧到家庭同事業。」問到Jacky希望她繼續演藝事業還是做家庭主婦？她說：「佢冇所謂，畀我好大自由度，只係驚我辛苦。」