自涉嫌藏毒事件發生後，一直「龜縮」的Paris及涉案男友Cy Waits，上周五終於「蒲頭」，兩人被發現在夏威夷毛伊島一間超級市場入貨。期間打扮靚靚的Paris應超市女收銀員Liezel要求一同合照，事後Liezel憶述當時的情況：「Paris正喺蔬果部購物，由於佢冇攞購物籃，只係用手拎住多個檸檬同生果，我就上前問佢要唔要購物籃，當時Paris好有禮貌咁講唔該之餘，仲同我解釋話同行男友已經攞咗購物車，所以唔使喇！」

未被顧客認出

據Liezel表示，Paris在超市共花了5,460港元，她亦不時微笑，心情大靚，完全未有為涉藏毒一事而惆悵。Liezel說：「我問佢可唔可以一齊影合照，佢即刻答應，好好人。不過好奇怪唔係好多顧客認得出佢。」前晚，Paris臨睡前在Twitter留言，指她煮了一頓美味的闊條麵晚餐給愛人，並一同看了一部電影。