07/09/2010

播放本新聞相關短片

婷婷自嘲體弱孱過Lucas

謝婷婷昨日出席活動時自爆打敗仗,還指Lucas身體比她好,全賴自小已進補!

謝婷婷昨日抱恙出席於又一城舉行的Levi's活動,同場還有吳雨霏、廖碧兒及鄭欣宜等。婷婷解釋打敗仗是因日前帶姪仔Lucas出外遊玩時,被同場一名身體不適的小朋友傳染:「好在Lucas冇事咋!(佢身體好過你?)當然啦!佢食啲嘢咁補!」

自認湊仔OK

她還透露當日首次帶Lucas外出,事前已問准哥哥霆鋒及阿嫂栢芝:「我唔係綁架!Lucas好乖,唔係過分活躍嗰種,我湊仔都OK!(你實習做媽咪?)唔係!」不過,問到Lucas是否已轉校及有指父親謝賢供女友讀書等問題,婷婷一概表示不知情。

霆鋒幫師妹賀壽

至於欣宜暢談減肥情況,她表示因近日未有做運動而令體重回升,問到與距離目標磅數差多少?她笑說:「差少少,快o架喇!(目標係120磅?)唔係,太瘦唔似我!Fans話我頭細過身,唔合比例。」她自言臀細腰粗,難於購買牛仔褲。

另外,霆鋒身在山東拍戲,昨日他與老婆張栢芝及關智斌為同劇演員兼同門的鄭希怡慶祝生日,大合照時霆鋒情深凝望栢芝!鄭希怡其後透過微博多謝各方好友的賀壽留言。

名人組