陳慧琳昨日出席探訪活動提早慶中秋，她表示中秋節將與「蝦餃仔」賞月玩燈籠，問到是否渴望與老公二人世界，她說：「唔使啦！已經好Sweet啦！」
靚太陳慧琳（Kelly）昨日帶同卡通造型月餅，與數十位來自綜援及低收入家庭的小朋友提早慶中秋，她表示中秋當晚會與家人食飯慶祝，問到是否希望與老公二人世界過節？她搞笑地說：「唔係好想！好耐冇二人世界啦！都冇乜所謂，已經好Sweet啦！唔使特登營造呢啲氣氛。」
親自設計營養餐
問到有否送燈籠給「蝦餃仔」劉昇？Kelly踢爆爸爸去年已購買很多燈籠送給外孫：「上年都未識玩，我諗住用番上年嗰啲得啦，環保啲！」又指牙牙學語的蝦餃仔經常怪叫，笑言囝囝好似怪獸！Kelly又透露與老公爭抱蝦餃仔：「個仔黐我多啲，但我最多抱10分鐘就要抖，佢依家25磅重到爆，醫生話未過重，不過我睇過個表都踩界！我自己設計營養餐畀佢，肉醬意粉、蒸水蛋同蒸魚，仲有兩款水果！」
潮
陳慧琳穿上Dries Van Noten的恤衫及軍綠色裙，黑恤衫配花圖案，配合中秋節主題，加上秋冬大熱的軍人造型，凸顯剛中帶柔的個性。