李克勤昨晨在微博留言，有歌迷詢問《左麟右李》下月底是否在上海開騷，因有網站在售票，克勤澄清絕無此事，叮囑歌迷小心，慎防受騙。記者從疑似售票網站中見到，票價高達1,280元人民幣，280元門票更聲稱訂滿，克勤昨日在電話中說：「我都睇過啲網站，真係好離譜！其實幾個月前校長（譚詠麟）已澄清過冇咁嘅事，短期內《左麟右李》都唔會再演出住。」
有粉絲在克勤微博中留言「中招」：「死啦！我仲係網上預訂咗門票，點算呀？」克勤無奈地說：「我都唔知點算，惟有喺微博留言，諗住最多人睇到，依家交畀經理人處理，歌迷最好去報警。」藝能負責人表示早前已發生類似事件，並交由律師處理平息了，如今需要時間再去追查事件，藝能也澄清未來數月根本沒有《左麟右李》演唱會。