早前新八模的何佩瑜(Jeana)被人翻舊相,指她由Pizza面變成刀削面,鼻樑亦神奇地變得又高又直。八模御用化妝師Meegan表示,事實上化妝技巧可以為Jeana來個大平反,讓「靠化妝效果」再不是整容的藉口。
自從o靚模寫真戰爆發後,同時傳出她們有整容疑雲,其中新八模的Jeana亦被翻舊相,質疑她有整容之嫌。八模御用化妝師Meegan表示,化妝技巧的確有整容效果,無論包包面要變小顏,甚至改善鼻樑高度,都可以由調校光暗的陰影粉入手:「要突出面形輪廓,High Light同Shading都好緊要,其次就係修改眉形同眼形。好似要個鼻高啲,可以掃High Light喺鼻樑,再打陰影喺鼻翼,其實以前Jeana係有Baby Face,大咗只不過可能冇咁多肉,但佢面骨仍然係較闊,如果瘦面就要靠Shading。」
善用遮瑕膏
對於被指有整容之嫌,Jeana無奈解釋:「如果係整容同打Botox,我塊面都唔會依然咁闊。」她表示Meegan幫她化妝後獲益良多:「依家我買化妝品都會向佢請教有咩啱我用,好似佢教我用YSL遮瑕膏當High Light筆,效果好掂,個鼻睇落去真係高咗。」
瘦面速成
Step 1
將Make up Base(b)掃勻打底,然後掃上自然膚色的粉底。
Step 2
用深自己膚色2、3度的粉底液(a)由腮骨掃下,會令臉龐較為瘦削。
Step 3
掃上陰影粉(d)定妝。
高直鼻樑
Step 1
用High Light筆(c)於T字位掃上「T」字,如要突出顴骨位,亦可在臉頰掃上。
Step 2
用手指均勻地印上。
Step 3
輕輕用陰影粉(d)掃於兩旁鼻翼。
Step 4
要令鼻頭肉兩旁的鼻翼更窄,亦可用陰影粉(d)掃於兩旁。