無綫小生林峯昨日拍劇途中肌肉疼痛,送院檢查後發現頸椎移位,醫生建議他停工留院觀察,大忙人林峯只好聽話,無奈缺席昨晚的《勁歌金曲優秀選》。
林峯昨日原定要為新劇《花花世界花家姐》開工,晚上再到《勁歌金曲優秀選》領1.5個歌曲獎,但據知他昨日起床時已感不適,全身肌肉疼痛,但因有通告在身,故頂硬上開工,但中午時終不支,最後由父親陪同下到醫院,檢查後發現頸椎移位壓着神經線,令肩膊及頸部移動出現痛楚,醫生建議他留院觀察兩日。
優秀選節目期間,播出林峯接受司儀王祖藍的電話訪問,林峯有氣無力地連聲表示不好意思:「可能呢輪開工多,引致舊患復發,朝早起身望住天花板感覺佢好似喺度轉,希望快啲好番,唱多啲好歌畀Fans聽。」
基仔微博慰問
而獨攬兩獎的容祖兒及楊千嬅得悉林峯入院後,紛紛送上問候,祖兒說:「希望佢錫自己Fans多啲,唔好要佢哋擔心。(係成名代價?)係最紅嘅代價。」而古巨基則在微博向林峯留言:「希望早日康復,身體緊要!」
同獲1.5個獎的阿Sa慨嘆:「同林峯首得獎合唱歌依家唱唔到。(傳佢同何超雲暗交?)唔知,我啱啱返香港,聽日又走。(吳佩慈喺內地如廁被偷窺?)咁得人驚!我一般會叫助手睇水。(冇四大唱片公司代表出席優秀選?)希望件事快啲平息,多啲人會開心啲。」
得獎名單
1.《Good To Be Bad》G.E.M.
2.《開籠雀》王菀之
3.《屈尾十》HotCha
4.《信今生愛過》容祖兒
5.《飲酒思源》楊千嬅
6.《一直都在》蔡卓妍、林峯
7.《重新出發》關心妍
8.《時代》古巨基
9.《無緣罪》泳兒
10.《男人信甚麼》衞蘭、JW
11.《珊瑚島》官恩娜
12.《童話國》鍾舒漫
13.《直到你不找我》林峯
14.《Supervoice》超級巨聲群星
最受歡迎廣告歌曲獎:《綠野仙踪》容祖兒
最受歡迎華語歌曲獎:《往事並不如煙》蔡卓妍
新人薦場飆星獎:糖兄妹《我最愛糖》